From Kurt and Debby

Liebe Hans,
 D'Erinnerige gön wyt zrugg. Am läbigschte sin die an d' Ramschteinerzyt: Märsch, Rämsch, zältle uff der Ramschtei Ruine und vieles meh. Denn e Versuech, im Friehlig s'Wildhorn per Schi z'beschtyge, Bsiech by Euch in New Jersey (ganz am Afang vo minere Amerika Zyt sogar a gmeinsame Bsuech by de New York Giants) mit Theater und Tschäss, am Cape und no vieles meh. Nit z'letscht e frieneri Geburtstagsfyr in New York mit Blick uffs Liechtermeer und vyle alte Bekannte. Es isch schön, dass mr dur all die Johr hän chönne unseri Fründschaft uffrächt erhalte. Das isch a gegesytigi Sach, und mr dangge dr dass du dy Teil drzue bytrait hesch. Wie gärn wäre mr by Euch am Samschtig: in Gedangge wärde mr's sy und uff Dy and Euer Wohl aschtosse. Mr wünsche dr no mängs Geburtstagsfäscht, gueti Gsundheit, Energy und Unternähmigsgeischt, vor allem aber ä grossartigs Fescht und schigge härzligi Griess an alli wo mr kenne, 
Debby und Kurt in Providence