Im Ramstei hän vor langer Zyt
Mir zwei uns kenne glehrt
Denn bisch Du gwanderet ganz wyt
Mer hän kum me verkehrt
Jetz bisch Du zrugg im alte Heim
Und scho Kontakt isch do
Bim Minschterplatz, bi alte Baim
Hesch du di niederglo.
Bim APV sehn mir uns jetz
Bim Baselbiet-Erwandere
Wo mir gemächlig, ohni Ghetz
Im Gschpräch dien d`Wält verändere.
Vor allem aber hilfsch Du mir
Bi mine Gschäftsproblem.
Do dangg i ganz vor Härze Dir.
Du machsch das mit System.
Du bisch no jung, beweglig, vif
Und sausisch oft dur d`Wält.
Dass Dir erhalte blibt dä Pfiff,
dass d`gsund blibsch, isch was zellt.
Hans-Edi
No comments:
Post a Comment